تقرير عن الممثل الهندي جاوتام رودي (ساراس)

مشاهدة
أخر تحديث : الإثنين 24 أغسطس 2015 - 6:04 صباحًا
تقرير عن الممثل الهندي جاوتام رودي (ساراس)

تقرير النهارده عن الممثل الهندي جاوتام رودي اللي قام ببطوله مسلسل سحر الاسمر وكان دوره ساراس

الاسم :جوتام رودى

تاريخ الميلاد 14 غسطس 1977 عنده 37 سنه

اتولد فى نيو دلهى

برج الاسد

نباتى

انهى تعليمه من مدرسه الجيش العامه
واتخرج من كليه سينج بهجت فى الاقتصاد علشان كان ناوى يدير مشروعات والده التجاريه اللى هى تجاره الاوراق الماليه وكان والده سمسار فى البورصه بس عمنا حب يدخل مجال التمثيل

جوتام بدا مسيرته الفنيه عام 2000 مش 2002 زى ما اغلبنا عارف
بداها بمسلسل كوميدى اسمهApna Apna Style
مع Lillete Dubey
وبعديين فى سنه 2002
عمل فيلم اكشن اسمه Annarth
مع سنجاى دت

وفى الفتره دى بقى وجه اعلانى وموديل فى كتيير من الفيديوهات الموسيقيه

وعمل فى 2005 فيلم كوميدى برده اسمه U, Bomsi n Me

عمل فيلم فى 2009 اسمه Agyaat
واظن اغلبنا سمعناه

وكان ليه دور فى مسلسل

Baa bahoo aur baby هو كان ثانوى بس عجب الناس
وبعديين فى 2010 عمل دور كاران فى مسلسل simplly sapene
والمعروف باحلام بسيطه بس اتغير فى اخر المسلسل

ومن الادوار اللى معجبينه بيحبوه فيها دوره فى برنامج مغامرات للاطفال اسمه lucky

وبرضه عمل
فى 2010 maan rahe tera بدور راجفيير

وعمل برضه mera naam keregi roshan بدور سامفاد

فنفس السنة اخد دور ف مسلسل parichay بدور فينيت ساكسينا

وفى 2012 عمل مسلسل teri meri love stories بدور تارون

ف 2011 كان مقدم حفلة indian television academy

من 2012 ل 2013 كان مقدم برنامج nache baliye season 5

و كمان رجع قدم الجزء السادس من نفس البرنامج من 2013 ل 2014

عمل اكتر من 20 مسلسل اغلبهم كانت ادوار ثانويه

فى سنه 2013 المسلسل اللى غير حياته وخلاه مشهور ومتابعينه يزيدوا مسلسل
Saraswatichandra
مش سحر الاسمر
المسلسل من ابداع سنجاى ليلا بهنسالى كانت معاه فى البطوله الجميله والعسليه جينفير وينجت والمعروفه بكومود
المسلسل اللى كان ملحمه من الرومانسيه اللى من العيار الثقيل
المسلسل خد اكتر من 20 جائزه
ومنهم اخد جائزه زى الذهبيه لافضل ممثل عام 2013
واتحب جدا جدا
وسافر فى سنه 2013 لندن وبرمنجهام وبريطانيا لانه كان مطلوب استضافته فى برامج لشعبيته اللى زادت بسبب المسلسل

وعمل مسلسل فى 2014 بطولته برده
Maha Kumbh
وبيقولوا انه دوره فيه حسن من سارسواتى تشاندرا
وخصوصا انه واخد تقييم عالى جدا ع
Imdb 8.5

من الحاجات اللى ثبتت فى دماغه فى مره من المرات كان بيزور امريكا واتفاجئ بناس كتيير بتنده باسمه وباسم ساراس وماسكينه من قميصه ومش راضيين يسيبوه وحس ساعتها انه شاروخان

مبيحبش السهرات والحفلات ومبيحبش الكحول وبيفضل القهوه

بيحب يقضى عطلته فى لندن
بيدلعوه بيقولوله
Gattu

بيحب اللون الازرق وغالبا معظم لبسه ازرق

ممثلته المفضله مادهورى ديكسيت وممثله المفضل عامر خان

بيواظب ع التمرينات الرياضيه ودى هوايته الاولى

ليه اخت واحده اسمها راشى واكبر منه ومتجوزه وعايشه فى دلهى برضه

رابط مختصر

اتـرك تـعـلـيـق 0 تـعـلـيـقـات

* الإسم
* البريد الألكتروني
* حقل مطلوب

البريد الالكتروني لن يتم نشره في الموقع

شروط النشر:

عدم الإساءة للكاتب أو للأشخاص أو للمقدسات أو مهاجمة الأديان أو الذات الالهية. والابتعاد عن التحريض الطائفي والعنصري والشتائم.

ان كل ما يندرج ضمن تعليقات القرّاء لا يعبّر بأي شكل من الأشكال عن آراء اسرة مجله ايجي فاشون الالكترونية وهي تلزم بمضمونها كاتبها حصرياً.