تقرير عن الممثل الهندي رانبير كابور

مشاهدة
أخر تحديث : الإثنين 24 أغسطس 2015 - 6:22 صباحًا
تقرير عن الممثل الهندي رانبير كابور

رانبير كابور من الممثلين الشباب اللي انطلقوا بسرعه الصاروخ والصراحه هو ممثل رائع وبيتقن ادواره والنهارده هنتكلم عنه واعن اعماله

اسمه رانبير ريشى راج كابور

هو من احد اكبر عائلات بوليوود فهو ابن الفنان ريشى كابور والنجمة نيتو سينج وهو حفيد راج كابور دة غير طبعا انه ابن عم كارينا كابور وكاريشما كابور ومعاهم برضه الممثل الصاعد حديثا ارمان كابور
نجوم من الاخر
وليه اخته اسمها رادهيما

اتولد فى مومباى بتاريخ 28 سبتمبر 1982 يعنى عنده 33سنة وداخل فى ال34

ريشى كابور ونيتو سينج كانت بتحصل بينهم مشاجرات كتير جدا ودة كان له تاثير على طفولة رانبير وبالرغم من ان رانبير كان قريب جدا من امه الا انه كان بيحافظ على علاقة ودية جدا مع والده

رانبير بعد ما انهى تعليمه فى كلية HR للتجارة والاقتصاد سافر لنيويورك للتعلم بمدرسة الفنون البصرية
ويذكر ايضا انه ساعد والده فى اخراج فيلمه Aa Ab Laut Chalen

رانبير فى مدرسة السينما قام ببطولة فيلمين قصيرين ولكن هو حب يعيش حياة السينما الفعلية ورجع فى سنة 2005 واشتغل كمساعد مخرج للعبقرى سانجاى ليلا بهانسالى فى فيلم Black (2005 film)

وبعدها بدايته فى بوليوود عام 2007 مع ريميك لمسرحية سانجاى ليلا بهانسالى ولكن المرة دة مع الفيلمSaawariya وهو من بطولة رانبير كابور وسونام كابور وبمساندة من النجمين سلمان خان ورانى موخيرجى الفيلم منجحش فى شباك التذاكر واشادات النقاد مراحتش الا لرانبير كابور خصوصا انه بدأ بداية قوية ونال عن الفيلم دة جائزة فيلم فير لافضل ممثل ظهور اول مرة ودى كانت اولى جوائزه فى الفيلم فير وكتير توقعوا لرانبير بعد الفيلم دة انه هينجح وممكن يكون اسطورة حية وكتير تنبأله بانه ممكن يرجع امجاد اجداده فى مجال السينما دة بعد سيطرة الخانات الثلاثة على السينما

وطبعا بعد الفيلم دة انتشرت اشاعات عن علاقة ما بينه وبين سونام ولكن طبعا كانوا بينكروا خصوصا اهم اصدقاء طفولة مش اكتر من كدة ولكن مع كاران جوهر بدات مشاكلهم لما استضاف رانبير وعمران وسالوا رانبير عن رايه فى سونام ورد بهزار وقال انها مبتتمتعش باى جانب من الجمال والانوثة فردت عليه سونام بتصريحها عن ان رانبير لا يتمتع بالوسامة ولا بالجمال وان تسريحة شعره سخيفة جدا فانتهت ما بينهم علاقة الصداقة والطفولة

وفى 2008 رانبير رجع بفيلمه Bachna Ae Haseeno مع الجميلات الثلاثة ديبيكا بادوكون وبيباشا باسو ومينيشا لامبا ودة كان اول نجاح تجارى لرانبير والفيلم حقق ايردات عالية فى شباك التذاكر دة غير طبعا اشادات النقاد برانبير وطبعا بعد الكيميا الرائعة بين رانبير و ديبيكا انتشرت الاخبار عن ارتباطهم ومأنكروش كدة خالص

ديبو

وخصوصا بعد ما ظهرت ديبيكا بوشم بحرفى R.K اللى بتشير لرانبير كابور وكانت علاقتهم من اشهر علاقات النجوم ببوليوود

وفى 2009 ظهر كضيف شرف فى الفيلم اللى جمع نجوم بوليود Luck by Chance
وقام ببطولة فيلم Wake Up Sid مع كونكونا سين شارما والفيلم حقق نجاح فى شباك التذاكر وفاز رانبير عن الفيلم دة بجائزة الفيلم فير لافضل ممثل باختيار النقاد بالمشاركة مع افلام Ajab Prem Ki Ghazab Kahani وRocket Singh واترشح عن فيلمى Wake Up Sid و Ajab Prem Ki Ghazab Kahani لجائزة فيلم فير لافضل ممثل وفيلمه مع كاترينا Ajab Prem Ki Ghazab Kahani حقق نجاح كبير فى شباك التذاكر وكان المركز الثالث بعد فيلمى 3 Idiots Movie و Love aaj kal
وطبعا بعد الفيلم طبعا الاعلام مبيرحمش واتكلم عن علاقته بكاترينا وكان بيواجه دة بالانكار وبعدها انتهت العلاقة الحميمية بين رانبير وديبيكا ودة اللى زود الشكوك عن العلاقة وبالاخص بعد صور رانبير وكاترينا فى اسبانيا على الشاطئ فى 2013 وكانت دى من اكثر المواضيع تداولا وجدلا فى الهند
كاتي
وفى سنة 2010 قام ببطولة فيلم Rajneeti مع نخبة من نجوم بوليوود امثال كاترينا كيف واجاى ديفجان وارجون رامبال ونصر الدين شاه والفيلم كالعادة حقق نجاح عالى وكان المركز الرابع فى افلام سنة 2010 واترشح لجائزة الفيلم فير لافضل ممثل
وبعدها برضه قام بالبطولة فى اول تعاون له مع بريانكا تشوبرا فى فيلم Anjaana Anjaani والفيلم كعادة افلام رانبير كان ناجح ونال اشادات عن دوره فى الفيلم

وفى 2011 بدايته الناجحة جدا فى بوليوود مع فيلمRockstar (2011 film) مع نجمة الروك الباكستانية نرجس فخرى والفيلم حقق نجاح عالى فى شباك التذاكر ولكن المفاجأة انه فاز بجائزتين من الفيلم فير عن الفيلم الاولى كانت جائزة افضل ممثل والثانية كانت افضل ممثل باختيار النقاد

وفى 2012 كان موعده مع الفيلم الاسطورة Barfi! مع بريانكا تشوبرا والممثلة الجنوبية اليانا ديكروز والفيلم كان اول افلام رانبير فى نادى المئة كرور ونال اشادات النقاد عن الفيلم وكان دة اعلى افلام رانبير تقييما على موقعIMDb وكان تقييمه 8.3 !
وفاز بجائزة فيلم فير لافضل ممثل للمرة الثانية على التوالى

وبعد كدة فيلمه فى 2013 مع النجمة ديبيكا بادوكونYeh Jawaani Hai Deewani وكان الفيلم هو انجح فيلم لرانبير حتى الان فى شباك التذاكر وهو سادس انجح فيلم فى تاريخ بوليوود واترشح عن الفيلم لجائزة فيلم فير ولكن مفازش بيها طبعا وبعد كدة قام ببطولة فيلمBesharam مع بالافى شاردا وابوه وامه ‏‎kiki‎‏ رمز تعبيري ولكن الفيلم كان فاشل جدا ومحققش ايردات عالية وكثير من النقاد انتقدوا الفيلم وقالوا انه اسوأ فيلم لرانبير وكان جاب تقييم 3.8 على موقع IMDb

طبعا احنا لاحظنا ان جوائز رانبير كتير فانا هجبلكم الخلاص
رانبير فاز ب50 جايزة واترشح ل40 جائزة !

رابط مختصر

اتـرك تـعـلـيـق 0 تـعـلـيـقـات

* الإسم
* البريد الألكتروني
* حقل مطلوب

البريد الالكتروني لن يتم نشره في الموقع

شروط النشر:

عدم الإساءة للكاتب أو للأشخاص أو للمقدسات أو مهاجمة الأديان أو الذات الالهية. والابتعاد عن التحريض الطائفي والعنصري والشتائم.

ان كل ما يندرج ضمن تعليقات القرّاء لا يعبّر بأي شكل من الأشكال عن آراء اسرة مجله ايجي فاشون الالكترونية وهي تلزم بمضمونها كاتبها حصرياً.